查看管理员的权限>>
| 今日 大约六点半左右，屋企电话突然间响咗，心諗，唉，又係啊妈打嚟啦挂.....点知一拎起个电话，一把颇靓女嘅声（係颇啫）話：“￥＃％…＃￥％◎＃”具体内容就係話做电话访问啦，有关乜乜口香糖凉喉糖零食之类嘅。心諗，你一日都唔知做唔做得成三四单，做好心又好当傾下计都好啦，Ok，开波......（过程忽略N万字）.... 佢仲要係问得好详细，仲要每样都要double check仔细仔细。跟住我比较有礼貌咁話：“你唔使每次都重复噶，我清楚。”佢就話呢个係公司嘅规定，咁我就“哦”咗一声，佢继续问，我继续答“有、冇、有、冇、嗯、係啊、差唔多了、见过.....”大约佢问咗廿分钟左右了，听佢讲嘢都好似有D攰咁，个过程都唔係咁悶嘅，都有笑下讲下。突然间佢问咗句：“先生，阻唔阻你食饭啊？” 我bang一声就答佢：“其实我係食緊饭噶。” “哦，咁我或者迟少少再打过嚟啊，唔好意思啊，阻住先生你食饭，七点后啊？” “哦，唔紧要，七点都ok啦、”佢就好有礼貌咁say goodbye and cut线。 係我唔忍心cut佢线啫，如果係个男嘅打嚟，我真係bang一声就cum佢电话噶了。可能自己又觉得悶了，就同佢傾咗咁耐。摆低电话就去食埋啱先果半碗饭（冻晒）。食完，开翻个显示器，係房等电话。“喂”“你好，唔该请问潘生係度嘛？”“我係”“％￥◎＃￥！◎＃￥”（再次省略N万字） 仲要去係有时问到我口压压，我話“嗯，that'z all i saw ” 真係几唔好意思 “哈，先生，你話见过果D广告啊，可唔可以描述下你係广告度见到D咩，俾咗咩印象你啊？” “我％…％＃（天南地北水咗佢大约兩分钟咁）” 因为我之前份工都有呢方面嘅“专业”知识，都可以吹下。好，讲完，今次用咗十分钟啫。 bye bye ... 事隔大约5分钟，“喂，你好，请问係咪潘生啊？”“我....係..”“潘生，唔好意思，啱先呢◎＃￥％…（今次忽略N千字）” 啊，终于搞掂，我仲好想話，得闲多D打嚟啊，唉，摞打咩 shi t ,仲嫌电话唔夠烦！ 其实做tele sale都几辛苦，唔cut你咪算好咯 唉，下次可唔可以唔问零食，问下其他呢... |
